ការទទួលបានទឹកមានសុវត្ថិភាព គឺមានសារៈសំខាន់ក្នុងការផ្តល់ផលប្រយោជន៍ដល់សុខភាពជាក់ស្តែង និងជា សមាសភាពសំខាន់មួយសម្រាប់គោលនយោបាយការពារសុខភាពសាធារណៈ។

គុណភាពទឹកដែលផលិត និងផ្គត់ផ្គង់ដោយរដ្ឋា្ករទឹកស្វយ័តសៀមរាប (រ.ស.ស) ត្រូវធ្វើឡើងដោយអនុលោមតាម ស្តង់ដារគុណភាពទឹកស្អាតថ្នាក់ជាតិ និងស្របតាមស្តង់ដាររបស់អង្គការសុខភាពពិភពលោក(WHO)។ មន្ទីរពិសោធន៍ រ.ស.ស បានធ្វើការត្រួតពិនិត្យគុណភាពទឹកក្នុងរោងចក្រ និងតាម​បណ្តាញ​ចែកចាយជាទៀងទាត់តាមកម្មវិធីកំណត់។ បណ្តាមុខវិភាគមួយចំនួន បានធ្វើការត្រួតពិនិត្យជាប្រចាំថ្ងៃ ២ ទៅ៤ ដងក្នុង១ថ្ងៃ ទៅលើសំណាកទឹកគ្រប់ដំណាក់កាលនៃដំណើរការក្នុងការសម្អាតទឹក។ ក្រៅពីការត្រួតពិនិត្យគុណភាពទឹកប្រចាំថ្ងៃ រ.ស.ស ក៏មានកម្មវិធីត្រួតពិនិត្យប្រចាំត្រីមាស និងប្រចាំឆ្នាំផងដែរ។

កម្រិតអនុញ្ញាត

កម្មវិធី និងបទដ្ឋានក្នុងការវិភាគគុណភាពទឹក  ត្រូវ​បាន​រៀបចំឡើងក្នុងគោលបំណងសំដៅធានាឱ្យប្រជាពលរដ្ឋទាំងអស់ក្នុងក្រុងសៀមរាប ទទួលបាននូវ​ ទឹក​ស្អាត មានសុវត្ថិភាពមិនបង្កឱ្យមានគ្រោះថ្នាក់ដល់សុខភាព សាធាណៈទទួលបាននូវការគាំទ្រ និងជឿជាក់លើ​ការផ្តល់​សេវាកម្ម​ទឹកស្អាត​ពី រដ្ឋាករទឹកស្វយ័តសៀមរាប (រ.ស.ស)។